ஜகத் காரணம்

அரூபமே
ஆண்டவனென
தொழுகினோம்

ஆயுதம் பல
கொண்ட
ஆபத்பாண்டவனாய்
தரிசித்தோம்

ஆசைகள் நீக்கிய
ஆண்டியாய்
அருள் பாவினோம்

வரம் பல தந்திடும்
மாயாமாய்
மருகினோம்

ஆயிரம் கரம் கொண்டவனாய்
அச்சம் நீக்கிட
வேண்டினோம்

நீ பெரிது நான் பெரிதன
போட்டியிடும்
மானிட வடிவத்தில்
உனை வடித்து வணங்கினோம்

உயிரினம் பலவற்றின்
வடிவத்தில் உனை
போற்றினோம்

பஞ்ச பூதமாய் உன்
பதம் நாடினோம்

பாவம் நீக்கிட
வந்த பரிசுத்தனாய் உனை
பாவித்தோம்

நீ யாரோ எனினும்
அழிவு வந்த வேளையில்
அடைக்கும் தாழின்றி
வந்திட்ட அன்பிற்கு
காரணம் நீயே தானா?

ஜகத் காரணமே
நீ யாரென அறிய
ஏழாவது அறிவு
வேண்டுமோ?