செல்போன் பொருத்தம்

ஜாதகம்
வருமானம்
அந்தஸ்து
தோற்றம் என
ஜோடிப் பொருத்தம் பல பார்த்து
முடிவு செய்த திருமணம்
நிச்சயித்த சில நாட்களிலேயே
தெரிய வந்தது
பார்க்காத பொருத்தம் ஒன்று!

சிரிப்பும் சிணுங்கலுமாய் தொடங்கிய
செல்போன் வார்த்தை பரிமாறல்கள்
சில நாட்களிலேயே
ஒவ்வாத அலைவரிசையை
ஒலி பெருக்கி காட்டிட

நீதிமன்ற படியேற
பின்னாளில் தேவையில்லாமல்
நிச்சயதார்த்தோடு நிறுத்தி வைத்த
செல்போன் புறாவை
நல்லதா கெட்டதா என
புரியாமல் பார்த்தனர்
மண மக்களின் பெற்றோர்!!